قصه وقصيدة (( عزة النفس))

يقول الراوي ياساده ياكرام

7
7
7

هذي سالفة يرويها الشاعر سويلم العلي السهلي رحمه الله يقول حنا سنة من السنين وافق عندنا ربيع ونازلين في

هكالجو يحدنا من شرق ضلع مطاول من الجنوب للشمال نازلين بمحل ربيع أرضه طيبة بالحيل , يقول جينا

ونزلنا في طرفها من الجنوب ومعنا غنم وحلال ويوم قعدنا لنا مدة وينزل عنا شمال ناس وعنا غرب ناس ومن

كل عرب نازلين حولنا لكن حنا اللي أطرفهم من جنوب يقول العرب هذولا أكثرهم عندهم حلال ورعيان

ويرحون منا يمين ويسار وإذا جا الليل بعض المرات يسير بعضهم على بعض هالعرب يعزمون بعض والى فيه

ناس توهم نازلين ومن شمال ويوم جا مرة من المرات توافق عزيمة عند القريبين ويعزمونا ونروح لهم أنا وأبوي

وقعدنا عندهم وراعي البيت يرحب وإلى عنده حريم وله عيال ما شاء الله واجد وقاعدين يصبون القهوة في بيت

الشعر ومستانسين ويسولفون وسالفة تدور وقهوة تجي وقهوة تروح الحاصل إن المعازيم راحوا وتفرقوا وطلعت

أنا وأبوي وبطلعتنا والى تمر ذيك البنت بنت لراعي البيت عليها جلال وتسوق الغنم بنت متعافية وجميلة جدا

يقول وأنا اللي أنصاب من هالبنت من أول نظرة يوم شفتها بس معي أبوي ولا اقدر أقول شي ( ايه تعرفون

تبلعون العافية إذا جا معكم احد ) ومرت الأيام ونتوافق على ماردا وعلى السيل والى البنت فعلا غاية في الأدب

والجمال حتى هو كلامة دمث وأخلاقه طيبه هذا كان عفه العرب وسلومهم حتى لو لقى بنت وما عندها أحد

يكلمها كلام عادي ويمزح مزح شريف وعفيف وتلقاه يسولف مع البنت وهي بعيدة عنه , وتمضي الأيام وتخافت

البنت دمه وشافته حليل وصار دايم يفكر فيها ويشوفها وإلى جا الليل صار يهوجس فيها وليت من يزورهم وليت

من يروح بس ما يقدر يروح لكنهم يشوفون بعض دايم ومضت مدة وبدا هالربيع الي هم فيه يضعف شوي ودايم

العرب يتابعون حلالهم ويرحون يمين ويسار وإلى الجبل اللي يحدهم فيه طيور وفيه ملازم ماء فوق وهو ضابط

مكانهم ,

ويوم جا يوم من الأيام عقب مدة بعد ما توافقوا كم مرة ودائما البنت الذكية إلى وافقت مثل هذا حتى لو مهوب

من عربهم ما تبين أنها ما تبيه تمنيه وتعلقه وتخليه معلق بخيط أرهف من الشعرة وتقوله أنت حبيب وطيب وأنا

ما شفت أحسن منك ولا أحسن من أخلاقك ويتعلق هو ويحسب هالحكي أنه صدق وهي تسنع خبزتها ما دام أنها

هنا علشان لا سمح الله ما يصير عليها اعتداء يصير المسأله حب شريف وهي على اللي هي عليه هي تلقاها في

فكرها أما موبدة لها ولد عم وإلا واحد قريب مهوب معقول تبي تعشق واحد من بعيد وتأخذه ولا هوب العلم

عندها العلم عن أهلها .

الحاصل يقول يوم جا يوم من الأيام وأعدي على هكالضلع جبل رفيع وأمشي وأطالع وأشوف يقول ماقدرت

أشوفهم ولا أستكشف المنطقة هذي إلا اذا عديت هالضلع ويوم رقيته وإلاني أشوف الناس يشدون اللي يروح

شمال واللي يروح غرب شادين كلهم وأقرب عن مكان الطيور ويوم طالعت وبرقت زين وإلى والله هذولاهم

يشدون يطون كل شي بيروحون وإلى كل هذيك الأيام يفكر ومعجب فيها من لباقتها وعلومها وأنها ما تسمع كلام

أحد ورايها براسها وياصفها وياصف جمالها يمكن أنه لا محها وشايفها ( المحه ذبحه ) عن قريب أو من ورى

البرقع طيره الهوى المهم انه شايف شي ( ما تخلون المناظر ) ويقول عاد قلت الأبيات هذي


<font face"" color="" size="">يوم عديت في راس الطويل العسير=دوني الطير خفاق الجناحين حام
بــادي فـيـه اطـالـع ويــن قـــاد النـشـيـراحــــد قــــاد قـبـلــة واحــــد قــــاد شــــام
آه وا قـــد قـلـبـي يـــوم قـــض الحـجـيـركـــن قـلـبـي يـقــد بـحــد بـــاري الـعـظـام
كــن قـلـبـي يـقــد بـحــد مـــوس شـطـيـراثـــر راع الـمــودة لاشـكــى مــــا يــــلام
المصيبـة إلـى جـا اللـيـل عـقـب الأخـيـركـــل نـاظــر يـنــام ونـاظــري مـــا يــنــام
كيف ابنسـى وليـف مـا استمـع للمشيـرمــا يـطـيـع الـخــوال ولا يـطـيـع الـعـمـام
مــع لباقـتـه علـومـه فـيـه زيــن غـزيــرقــرن ضـافــي ووســـط خـافــق يـاســلام
الـمـطـوع إلـــى مـنــه نـظـرهــا يـحـيــرتفـتـح ابـصـار عقـلـه مـــا يـــرد الـكــلام
خـده اشقـح عفـر وصفـه تقـل بـه ذريــرنــور خـــده يـقــادي نـــور بـــدر الـظــلام
والشفايـا حـمـر تـشـدى سـلـوك الحـريـروالثـنـايـا تــــلالا بــيــض حــــدر الـلـثــام
اشـغـل القـلـب يـاالاســلام طـيــر يـطـيـرباللحن يالله انك لا تعيد الحمام </font>


ويقصد في ( اشتغل القلب ياالاسلام طير يطير ) يا العالم يا المسلمين يا ناس , راحوا وشدوا وابعدوا وصار ينشد

عنهم وإلى ما عندك أحد ومدري من جاب له العلم قال هي ما سألت عني قال ياحليلك الحين تصدق هذاك أول

يوم أنك قريب عندها لكن إذا بعدت وغابت العين عن العين ما عاد يمدي يرحون الناس ويلهون في أشغالهم , قال

بس أنا متعلق فيها وفي حبها وأثرهم راحوا ونسوني وهو يقصد ذيك القصيدة بعد مدة ويقول فيها :


يـامـل قـلــب كـــل مـــا نـامــوا الـنــاسمـن الليـل يـاخـذ ربــع سـاعـة ويـاعـي
فإلـى وعـا جتـه الهواجيـس مــن راسوقـــام يتـقـلـب فـــي فـراشــه ويــاعــي
ولـــولا ضـلـوعـي للمعـالـيـق حـبــاسلافـــوع فـوعــة واحـــد مـــن قـطـاعـي
قطيع غرب وغطلس الشوف الادماسبــارض خـمـال وخارشتـهـا السـبـاعـي
ودلـــى يـلــوج وكـــل اشـافـيـه يــبــاسوتــاه الطـريـق وراح فـكــره ضـيـاعـي
وجنـه سبـاع مــع سـنـا اللـيـل غــلاسمـسـتـفـرسـات ومـمـسـيــات جـيــاعــي
صكـن عليـه ومـزعـن عـنـه الألـبـاسيـشــل دمـــه مـــع طــمــان ورفــاعــي
لـيـن اودعــن ثـربـه برجـلـيـه يـنـحـاسعـنـد الـضـواري راح مـالــه شـفـاعـي
يا أهل النضا ياللي على كـوار جـلاسبــتــر الـفـخــوذ مـذلـقــات الـسـمـاعــي
شعـل مواشعهـن مثـل شـاهـي الـكـاسمـــدربـــات بـالــســهــل والــجــراعـــي
اليا سربن مـع صحصـح تقـل قرطـاسمـع عرضـة الـزيـزي يجـيـه الجـلاعـي
ريـضـوا لعـلـه مــا يريـضـكـم الـبــاسعوجـوا لـي ارقــاب النـضـا بالوقـاعـي
وشيلوا وصاتي للغضي عذب الاجناسالـلـي مــع المـرسـال وصـلـه جـزاعـي
لا جيتـوا المجمـول مـدقـوق الالـعـاسمـدمـلـج العـضـديـن زيــــن الــذراعــي
قولـو تراهـا قطـعـت عنـهـا الارمــاسيـطــوي الـعــزا وأنـــا كـــلاي دواعـــي
مـن باعنـي بعتـه وأنـا قاسـي الباسـيحــتــى واصــــد بـنـاظــري لا يــراعــي
لــو أن كـبـدي كـنـهـا فـــوق مـحـمـاسعزمـي قــوي مـانـا خـطـات الزعـاعـي
ياعين هاتـي واطـوي الصبـر واليـاسمعـطـيـك مـهـلــة دامــنــا بـالـوسـاعـي
اطـوي عــزاك وتـرسـي كــل هـوجـاسمــا ظنـتـي عـقـب الـفــراق اجتـمـاعـي