قصيدة للشاعر أنا غزلية

بسم الله الرحمن الرحيم

السلام عليكم ورحمة الله وبعد...

اليوم جايب لكم قصيده من قصايدي أنا الشخصيه والقصيده غزليه عسى تحوز على اعجابكم ورضاكم

برقٍ سطع في حزة المغربيه ** ما كنه إلا ثغرها مع شفاها

والشاهد الله بإنها الأجوديه ** أحلى من البدر المضوي مساها

ذكرني الضحكه وهي مستحيه ** في حزةٍ ما فيه غيري معاها

لا خيروني بين ذيه وذيه ** ما بين ضحكتها وبسمت فهاها

أخترت بسمتها ولي مقصدية ** فالبسمه اللي أنطحن من رحاها

وإن جيت أوصفها فهي جاذبيه ** يجذبني الوصف المحلى بهاها

ربي بلاني في هواها بليه ** والحمد لله في بلية هاوها

ما هي بمثل البدر ولاهي بزيه ** أحلى منه يوم إن ربي عطاها

ربي عطاها من الوصوف البهيه ** لاقت عليها أُوصوفها مع حلاها

أم العيون السود والناعسيه ** وام الرموش المذهله ملتقاها

وأم الخدود الناعمات النديه ** سبحانه اللي بالنعم قد ملاها

وأم الخصر ذات الوصوف المديه ** وأم الردوف الكايده من وراها

دمها عسل صافي وفيه الشفيه ** من ذاقه يقول أسفكوا من دماها

لا وا هني اللي يشوفك هنيه ** من بعد يعاف النساء ما يباها

والشايب يعود لسن الفتيه ** ولو يعذروله كان راح وخذاها

لكنها عنهم بعيده شويه ** وأنا سعاطيري تلوح بسماها

أنا لها ما دامها هي ليه ** وأنا بدايتها وأنا منتهاها

مشكور يا برقٍ سطع مغربيه ** ذكرتني فيها وبسمة شفاها

واعذروني على القصور كان ودي بشئ أحلى لكن الجاي أحلى ان شااء الله بعد فيه قصايد كثير وان شااء الله تعجبكم

هذا ما علمت والله ولي التوفيق ...

تحيات الشاعر / الزير سالم ( أبو ليلى المهلهل )

..

صح لسانك يابو ليلى ولاهنت يالذيب

» قصيدة غزلية للشاعر ابن قبيس الشهري
» قصيدة للشاعر ابن العلاء الشهراني
» قصيدة رائعة للشاعر محمد بن فطيس المري
» قصيدة المرسيدس للشاعر محمد بن فطيس المري
» ليالي نجد للشاعر الامير خالد الفيصل