بسم الله الرحمن الرحيم
السلام عليكم ورحمة الله وبركاته
يسرني ويشرفني ان انقل لكم هذي القصه والقصيده عسى ان تنال اعجابكم
وفي الحقيقه والواقع هي قصه حقيقيه حصلت في بيشه وهي عباره عن (بدع من الشاعر عامر بن خشيل رحمه الله ) ( ورد من الشاعره المعروفه باسم أنغام بيشه العامريه )
بقول لكم السالفه ثم اعطيكم القصايد
كان عند الشيخ عامر بن خشيل بنت تدرس بالكليه وكانت البنت تعرف الشاعره انغام بيشه وفي يوم من الايام البنت سولفت لأبوها اللي هو ابن خشيل وقالت له عندنا بنت شاعره وفي نفس الوقت جميله
وفي هذي الايام كان ابن خشيل شايب على اخر ايامه كانت الحيته بيضاء وكان شعر راسه مشيب حتى حجانه كانت شيب
المهم كانت زوجة ابن خشيل متوفيه قال لبنته انا بعطيك قصيده عطيها صديقتك الشاعره وباختبرها بشوف هي شاعره والا تكذب عليكم
ارسل لها ابن خشيل خمسة ابيات في ورقه مع بنته
اخذت انغام بيشه القصيده وقالت للبنت اذا طلعنا خليني اشوف بوك
المهم طلعوا وراحت انغام بيشه وشافت الشايب وقالت لبنته قولي لابوك بكره بيجيكم الرد ويوم جاء اليوم الثاني جاهم الرد
والان اخليكم مع بدع الشيخ عامر ثم رد انغام بيشه
قصيدة البدع من الشيخ / عامر بن خشيل يرحمه الله
يا بنت ودي بك ولــــو كان ساعة *** نمشي علـى السنة بعــيد عن الـعيب
أحــط قــلبي عند قــلبك وداعــــة *** على طريق الحق في السر و الـغيب
واجلس معك في كل وقت وساعة *** ما فارق الغرفة ولا أغدي ولا غيب
وأســـكنك فـــي فـله فــي رفـاعة *** مفروشها زل العــجم و المـضاريـب
وحــقك على يا بنت سمع وطاعة *** وأعطيك شفك من جميع المطالـيب
ردود البنت / فتاة بيشه
المعروفة باسم أنغام بيشه العامرية
يا الأجــودي ما عــاد عـــنك طـمـاعة *** روح شبابك ما ترده الأطـابيب
العــود ما يرجــــع لسن الــرضـــاعة *** ولا عاد يصلح للبني الرعابيـب
دور من أســنانــك وسر بالــقـناعـــــة *** ولا تعلـق في صعيب المراقيب
ودي تـــروح الطـــب وأهل الإشاعـة *** ويعلمونك ويش عندك من العيب
ماليب شخــص شـــوف شــيبه مراعة *** انا دخيل الله عشيري به الشيب
شــــفي غــلام من شـــباب الجــــماعة *** شوفه يسليني ويعطي المواجيب
<p>
ولكم خالص تحياتي ...
هذا ما علمت والله ولي التوفيق ..
..
