هذي قصيده كتبتها في رجل جيته في لازم وما قصر قضى لازمي و اكرمني فالقصيده هذي كانت أقل شي أقدمه لهذا الشخص أتمنى تحوز على رضاكم أقول فيها:-
الوفا والطيب والجود وحب الضيف
وتشريع بيبانهم للكرامه فيهم عاده
ياللي تبي تشوف شي قل ما شيف
زرهم وتعرف سبب قولي ومقصاده
لو سئل الكرم عنهم قال الكرم ياحيف
هذولا تعدوني وفازو بأحسن قلاده
وصلولها بصدق نيه وتجنيب زيف
وصمله على فعل المواجيب وايراده
لا أقبل عليهم ضيف قامو له ملاهيف
لهفة محب الدين وقت العباده
ويثنون من حرش العراقيب للقيف
ويرجون من رب العباد الزياده
وصفر الدلال اللي تعدل من الكيف
بأتلى مجالسهم على نار وقاده
مبشومة الفره بحزمه من الليف
تظهر عصار البن وتبقي عتاده
ثم تشرب الكيف مع حلو السواليف
في مجلسن محدن بقلبه سواده
المجلس اللي ما تشوبه تناتيف
هذاك مجلسهم ياطيب امتداده
ثم عقبها تقلط على سمان الراديف
سمان يمدبها راعي الطيب عاده
والعود الأزرق فوحته ما تبي تعريف
لاحام يشفي صدر كانيه وفواده
وأكثر من اللي قلت من دون تكليف
وصلوبها ذروة سنام الجياده
رجال فعول ماهب تعرف التسويف
مغير تبغى فالمراجل شهاده
وأنا والله أني ما أكره ولا أعيف
مقابل اللي على عداد الكرم وراده
ولا حلبي في مدح شرواهم تحاسيف
والمجتهد يمدح بقدر اجتهاده
ومنهو يعد الكرامه ولو كان بجنيف
تراه ماخذ من طيب بوه أجداده
يالله جنبهم عثرات الدهر والصواديف
وأحفظهم بحفظك وزدهم جلاده
وسلامتكم
