قلبن عذلته عن محبّتك عيّا

امل ان تحوز على رضاكم

قلبن عذلته عن محبّتك عيّا
وانته عنيد الرّاس مافيك فودي

لاقلت صد الزّين يقول هيّا
يرجف يبي يتبع حسين الجعودي

واقول بعده عنك بعد الثريّا
ومايقنع المقرود كود اللّحودي

لاهو ولد عمّك ولاهوب خيّا
دوّر بدال الزّين تلقى العنودي

واقول للمجمول اللطف شويّا
انته ترا مسلم ولانتب يهودي

مدامك تصلّي اليا قال حيّا
يلزمك ياخلّي تحفظ العهودي

لاتعذّب المسلم وبيديك شيّا
ولاتصير في طبعك حقودن حسودي

الله جعل للعبد اجرن وسيّا
والله جعل من فوق كتفك شهودي

وسلامتكم

صح لسانك