قصيدة السجين هادي بن مطيف اليامي

سجـين من ورى البيبان غنــــا ** وحاله من طويل الصبر دنا
الا ياللــــه فرجـــها لعــــــيني ** شبابي راح وعزومـي تـونا
ياعـــيد الله سـلم لي على امـي ** وعلمها عـــن الدمعــه تهنا
...اباهـا تفــرح العــيد وتبــــــسم ** واباها فـ/أيدها باسمي تحنا
مـادام الله كتب لي ماكتب لــي ** يفك اللـــــه قــيدي لــو تثنــــا
عرفتـــوني يأهل بيض النوايا ** من خباش المسمي لي حضنـــا
انا ابن مطيف هــادي ياســموك ** انا ابن مطيف هادي ياوطنا
انا ابن مطيف هادي ياحزامــي ** قبايل يام يـــازبن المجنـــا
انا اللي راح من عمري حوالي ** سبعة عشر سنــه والدمع شنا
سجين ماعرف لـــذة منامــــه ** بلاحكم..وبلا عفوا ُ يسنا
يدك الهــم بالـــــي كل ليــله ** ولاكنــا علـــــى اللــه اتكلنــا
عسى الله يفرج الضيقه لمثلي ** ويرحم واحــدن مثلي تعنا
انا ياسـيدي مشـــــعل معــايد ** لو اني مقدر أصافحك منـا
عسى عيدك يعـود وانت طيب ** ياوجه الخـير يافرحة حـزنا
ترانا من كثر مـا حــن نحبـك ** تهل دموعنــا لاغبت عنــــــا
وانا ياســيدي مــن يـوم ربـي ** رزق نجران بك وانا اتمنــا
لقاك ولوهو للحظـه ابشـــرح ** لك ظروفي واعلمك أين كنــا
وابا اتلوى ببشتك وانتخـي بك ** ولابــه بعــد بشتــك لو زبنــا
واببكي فوق كتفـك واعتذر لك ** عن اللي صـار والا ما جهــلنا
غلطت وغلطتــي منها اتعــــــلم ** ولابه مــ/الغلط معصـــوم لنـا
بشـــر نخطي ونذنب والســامح ** كــريم لادعينــا واستعنـــــا
وانا ياسيدي تكفى نخيتــــك ** ترا بيدك مصـيري لا تونـــــــا
انا في وجه ابو تركي معــزي ** وعبدالله وسلطــان المكنــــــا
وانا داخل على شمر خــوالك ** هل الفزاعـات للغير ارجفنـــا
تفك القـيد من كفي وســاقي ** وترحم واحــدن مثلي تعنــــا
ترا ماعــاد كثر اللي غــدالي ** وراسي شــاب وعزومي تدنا

صح لسانه ويعطيك العافيه

صح بدنك يا جوكر شاكرك جزيل الشكر على الرد

الله يسمع منك يا ابو رشرش
واشكرك على الرد و التفاعل المنتاز