يافرحة ايااااامي

[جف الطريق إلى أمحلت كل الأقفار
وأسقت ثرى خدي من الهم عيني
وأمسيت في طي المسافات محتار
مدري من اللي في طريقي عويني
يافرحة ايامي وش اللي لنا صار
وش صار مني وش حصل خبريني
يكفي علي اللي شربته من امرار
كافي علي اللي مضى في سنيني
وش جاك مني ياشذى عطر الأزهار
وشلون ياعين المهى تتركيني
وااقلبي اللي تشتعل داخله نار
من غيبتك ماعاد شي يعنيني
ماعاد في قلب المحبين لي دار
وماعادت الدنيا تبر بحنيني
خلاص في عيني طفت كل الأنوار
ضاع الرجى يافرحتي من يديني
خلاص ياعمري بدى وقت الأسفار
مثل البدايه رحلتي تنتهيني
ماعاد عندي للنهايه من اعذار
صارت كذى ياغايتي صدقيني
حافض عهودك والعهد ماله إنكار
عندي ولا له بالردى من يديني
باقي لك بقلبي من اعطورك أثار
لاضاق صدري بالوفى تحتويني
لاكن طلبتك خلي الشوق تذكار
لاضاقت ايام الدهر تذكريني
[[center]