العيون الساحره

هذي قصيده كتبتها بعنوان العيون الساحره اسال الله ان تنال اعجابكم

يابوعون كانها اصحاب فرعون
فيها سحر لكن سحر مايطبب
لاناظرت بالعين مانيب مصيون
مانيب موسى لاجل عني يجنب
حاولت اجنب دربها لجل ماكون
اول ضحيه في غرامه يصوب
مغير شفته نظرة جاني جنون
كن السحر على الحقيقي تغلب
فيها الجمال اليوسفي زاد واللون
كنه خليط عروق هندي ومعرب
سلب بزينه مضغتي كنه يمون
وانا اشوف القلب يومنه يسلب
شين خيالي في وصوفه يعجزون
اهل الشعر واهل الفكر والمؤدب
وللي حداني للكتابه شوفة النون
اللي حورها يخلي القلب يجذب
وصيتي للي بدربه يمكن يجون
غمض عيونك لابدا منك يقرب
انكان ما شفته تبي تروح مضمون
وانكان شفته على ونينك بتطرب
بس ادع ربك كان به سرت مفتون
ينجيك من سحرن نوالك يهرب
هذا وكل اللي لمحته بها عيون
يومه عثابي كان لبسه منقب
وشلون لو شفته بلثمه او بدون
انا اشهد اني منه بالحيل بتعب
قمت اتعوذ خابر ابليس ملعون
يوسوس لخلق الله ايلين تذنب
ليت النسا من فعلها مايقتدون
ولا تكون بفعل منكرها تدرب
عشان تبقى امة الميتن مليون
في نهجها وفي دينها ما تذبذب
يالله تجعلني من اللي يتوبون
قبل الممات وقبل لحدن يتوب

صح لسانك تسلم يمناك ولا عدمناك

ابدعت اخوي استمر لاتحرمنى من ابداعاتك

يالله تجعلني من اللي يتوبون
قبل الممات وقبل لحدن يتوب

صح لسانك

ننتظر المزيد من ابداعاتك

تحياتي لكم جميعا واشكركم على هذا الاطراء

اخي لاهنت على الاجتهاد
القصيده تفتقد للوزن
وبعض ابياتها ركيكه
اتمنى انك تجتهد لكتابة افضل منها
وتقراء وتستشير الشعراء المتمكنين والمنتديات المعروفه بنقد الشعر
واشكرك على المحاوله

بسم الله والصلاة والسلام على رسول الله

اشكرك على النقد واشكرك على المشوره

لكن ابي اسالك كيف توزن القصيده وابي

طريقتك انت في الوزن وابي اسالك باي صفه

نقت القصيده انت اديب عالم نحو انت تكتب شعر

ولك طريقتك في الوزن ولي طريقتي في الوزن

ان كان عندك علم في الادب افدني به واقبله منك

بكل صدر رحب وقلي البيت الفلاني فيه كذا والثاني

فيه كذا ادبيا وارجو منك ان تفيدي باسماء المنتديات

اللي فيها نقد ادبي وانا مستعد اعرض القصيده عليهم

ومن ناحية الركاكه فمن المعروف ان القصيده يمكن

ان يسد عنها بيت واحد او بيتين في القصيده كلها

ولا تفكر اني مستاء من نقدك لا والله ويمكن انك

تفوقني علما وقدرا عند الله وعند الناس لكني اسعى

للمعلومه العلميه الصحيحه

هذا علمي وسلامتك

خـابـرك يـا ذيـبـان شـاعـر ومـجـنـون ** وخـابـر بيوتك كلها مـا تـعـرب

من بيت شعر وهلك فالشعر أديـون ** ما تعسف المهره قبل ما تدرب

صح لسانك يا ابو مساعد ومثل ما قلت لك من بيت شعر وقصيدة جزله من شاعر جزل ...

أستمر ,,,,

جعلك تسلم ياخوي الزير سالم ويعلم الله اني ماسجلت فالمنتدى هذا الا للفائده سواء منهم لي او مني لهم من دون تقليل باحد فيه انتقاد انتقد الجزء اللي يستحق النقد لا تنتقد العمل كله واتمنى من كل شخص انه ماينتقد كل شي فقط الجزء اللي يستاهل النقد

هذا وسلامة الجميع

الله يعطيك العافيه يا ابن مساعد اتمنى لك التوفيق
وافضل ان تترك القصيد لاهل القصيد