هذي قصيده للشاعر الكبير عبدالله أبن زويبن الحربي كتبتها لما فيها من الحكم يبين هذا الشاعر حبه لربعه حتى ولو أخطأو عليه ولكم القصيده أتمنى تحوز على رضاكم:-
يامكثرين الهرج لا أسمع ولا أجيب
تريحو من فضلكم وأسمحولي
تريحو لا تلحقون المشاهيب
على الردى ماني شفوقن عجولي
بالعقل والصبر أدب النفس تأديب
وألا لها مده تصول وتجولي
خلج ترازم في سياج المحاديب
مافيهن اللي بالعقال معقولي
أشد وطية زور من شمخ النيب
لاضاع مفعول الحيل والحلولي
وأنا لاقلت أرتب القول ترتيب
حتى يجي كيي على فك قولي
أليا أرسلت الأفكار القريحه مناديب
ترايعن من عقب ماهن جفولي
لكن مالي من وراها مكاسيب
ولو كان عشاق القشر صفقولي
مايستفيد الا العدو والاجانيب
ولاني مطيع مقرقعين الطبولي
خليتها تعطي فجوج مجاديب
جربا تجود في رسنها مهبولي
والله لأجنب دام لي درب تجنيب
من شرهة حشام الرفاقه خجولي
ولو أنها بين النحر والتلابيب
من الحيا وجهي ماهوب مغسولي
طبع لنا نشب عليه وأنشيب
وطبيعة لعلها ما تزولي
على الجماعه للجماعه مواجيب
أليا جهلو قدر الرفيق الهتولي
ماني على ربعي قريبن محاضيب
أدناه مايخليني أسرج خيولي
أن جات من طيب شقاها على الطيب
لونها أعوج من رقبة الذلولي
وأن جات من مسكين منطق وأساليب
حطيتها بين الثرى والنعولي
لاحركة شعره ولا طلعت شيب
ولا ضيقت صدري ولا طق جولي
وأن كان في صبري على ميلهم عيب
العيب تفتيش الصرر والحثولي
لاقمت تذكر في رفيقك عذاريب
وأتبن عيوبه لذولا وذولي
صبرك على ربعك علاج وتطابيب
يقصر حبال السالفه لا تطولي
حتي ما يلقا في طرفها مقاضيب
كراه خير وللمشاكل ميولي
وليا بليت بتايه شره ومصيب
يقول أنا العراف وأنت الجهولي
قل الله الله ياحصان الأطاليب
يالفاهم العالم عطيب الفعولي
هذا الكلام اللي مافي صحته ريب
لانيب لاحولك ولا انتا بحولي
حصان وأبن حصان طيب مجاذيب
وبالمعرفه رجل محلي ودولي
خله يروح يخطي الدرب ويصيب
يقول ما بالناس عرضي وطولي
والفرق ماهو باللحا والأشانيب
الفرق بين الناس فرق العقولي
كم واحد تحسن به الضن ويخيب
السن يضحك والفؤاد معلولي
واللي غدت به كلمته مالها غيب
ماهو من أطيب ربعي اللي غدو لي
يالله عساها صيحة في قفا ذيب
وقلع النبا بيني وبينه يحولي
الرجل مايغصب على الطيب تغصيب
لا صار ماهو دل ضمن الدلولي
ومن عادة اللي طيبه يحظر ويغيب
لا طالت الرفقه زهوقن ملولي
وليا بلنك غبر الأيام بصحيب
في مستوى طيبه صعود ونزولي
أعرف ترا الدنيا دروس وتجاريب
والكامل الله والنقا للرسولي
لا تصير مشذاب يقص العراقيب
خله وراعي الأوله وش يقولي
أخذت كلمه من كلام اللواعيب
للطيب ناس وللعذارى فحولي