العلامه الفارقه

العلامة الفارقة


اضحك على ما تشتهي والعب على كل الحبـــال
والعذر مــــــاله واردن بين القلوب العاشقة

يوم يتعذر بالهوى واحيان بالجـــــــــــو العدال
والا يقول حضور اهلنا بالطريق الفـــــارقة

قلت اهلك اهلي يالغضي من باب تقريب المحال
والا انت عندي مثل نجم الصــــبح اخايل بارقة

قال الكـــــــــــبر لله ما لي فضل في كثر الجمال
وغيري كثير الله خلقهم كالشموس الشارقة

قلت انتي انتي ما بعدك انتي شـموس ولا غزال
انتي وحـــــيدة فالبلد وانتي علامة فارقة

قالت بعد هذا الكلام وبعد مــــــــــــعسول الدلال
وش غايتك مني وانا بك يا بـعدهم واثقة

قلت العفو مالي طمع في غير وصلك بالحـــلال
والا المراكب في بحركم والسفينة غارقة

واذا غلبك الشـــــــوق قل يا صاحبي يمي تعال
واجيك اسابق فرحتي لو المشاعر سابقة

اجيك لو دونك حـــــــرس واصلك لو فيها قتال
واجدد العــــــــهد القديم بكلمتينن صادقة

وان حـال دونك من حياك وصار ما فيها مجال
ارجع ونار الشوق نار وشي ماني طايقه

انا غــــــــــرقت ابحرها واليوم فزعة يا خوال
بنت الرجال اركت على قلبي سهومٍ حارقة

عسى يمر من السنة شـــــــهرين ويهل الهلال
واخذ يدينه في يدي بين الزهور الوارقة