لا تامن العقـرب ولاتامـن الـداب

أن زان لك وقتك تخير بـالأصحاب
[b] ان وقتـك كلهـم وان شـمايبـونـك [/b]

[b]أن جيتهم قامـو يحـدّون الأنيـاب [/b]
[b]وان رحت عنهـم بالقفـا يشذبونـك[/b]

[b]لادبّـرت دنيـاك والحـظّ ماطـاب [/b]
[b]الناس لا مـن طحـت مايرحمونـك [/b]

[b]أهل السيوف اللي يقصّون الأرقاب[/b]
[b]أمّـا كفاهـم واقـعـك يظلمـونـك [/b]

[b]لا تامن العقـرب ولاتامـن الـداب[/b]
[b]السمّ واحـد لا رقـا فـي متونـك[/b]

[b]ياجاهل الدنيـا ودورات الأسبـاب [/b]
[b]أعرف ترى من خان غيرك يخونـك [/b]

[b]لو كان لك ربع(ن) موالين واحبـاب [/b]
[b]لابدّهـم عقـب الـغـلا ينكـرونـك [/b]

[b]وقت(ن) يشيّـب بالمخاليـق ماشـاب [/b]
[b]أسأل وأسأل ناس رّبـو يخبرونـك [/b]

[b]( واحذر تخاوي كـل هافـي وكـذّاب[/b]
[b]أهـل الـردى بطبوعهـم يطبعونـك )[/b]

[b]أرفع مقامك عن ردييـن الأ نسـاب [/b]
[b]لو شفتهم فـي حضرتـك يمدحونـك [/b]

[b]فارق ثراهم وارق في راس مرقـاب [/b]
[b]أبعد عن اللـي لونهـم غيـر لونـك [/b]

[b]خلاّن مـال ومالهـم ربـع واقـراب [/b]
[b]لاقـلّ مالـك عـدّهـم يكرهـونـك [/b]

[b]أعتاض فيهم من طويليـن الأشنـاب[/b]
[b]اللـي الـى مـال الدهـر ينفعونـك [/b]

[b]لاصكتـك دنـيـاك وافـتـرّ دولاب [/b]
[b]بانـت مواقفـهـم ولا يرخصـونـك [/b]

[b]هذا رفيقـك مـن قريبيـن واجنـاب[/b]
[b]ذخرك وهم في واجبـك يذخرونـك [/b]

[b]عندك قريبين (ن) ولو قلـت غيّـاب [/b]
[b]على صدى صوت النـدى ياصلونـك [/b]

[b]ياللي سمعـت العلـم لاتفتـح البـاب [/b]
[b]لاتنحشر في شـي ماهـوب شونـك [/b]

[b]ربعك ألى من شفتهم صارو احـزاب [/b]
[b]وتشـاورو بالـراي والعلـم دونـك [/b]

[b]لاتبدي برايـك عليهـم ولـو صـاب [/b]
[b]لو صحت باعلى الصوت مايسمعونك [/b]

[b]ومن لاحسبّلك لاتسـوي لـه حسـاب [/b]

[b]لو كان يسوى وحدة(ن) مـن عيونـك[/b]

صح لسانك ويعطيك العافيه

كلمات روووعه يسلمووووو

صح لسانك

الرجاء كتابة اسم صاحب القصيده لكي لا تنسب لشخص غيره هذا والله الموفق