مصافحة بعد غيااااااااب

لو خسرتك ماخسرت العمر والدنيا متاع
وأدري أني لو خسرتك ماخسرت إلا القليل

بس فكر زين تعرف من خسر فينا وضاع
وتعرف أنك لو تلف الأرض وتدور بديل

والله أن تبطي ولو لفيت في كل البقاع
ولو تسوي ماتسوي ما أنت لاقي لي مثيل

وين تلقى مثل شخصي شخص وطباعي طباع
ووين تلقى مثل قلبي قلب أو مثلي خليل

البشر واحد نعم ؟ لكن فرق الإنطباع
يجعلك يمي تميل ويم غيري ماتميل

يارفيقي أنتبه واحسن إلي الأستماع
للمواقف دور في كشف المزيف والاصيل

وأنت ماقصرت فيني موقفك جدا شجاع
طعنتك بالظهر فعلا كانت أثبات ودليل

بيض الله وجهك اللي ساتره تحت القناع
ورايتك بيضا معاي وياعسى عمرك طويل

يعني أعطيك الثقة وتردها بلوي الذراع
ياخي ماشاء الله عليك أبدعت في رد الجميل

مدري كيف أشكرك. مدري كيف أرد الصاع صاع
كنت أحسب أنك عزيز النفس تطلع لي ذليل

لاغدى مستقبلي والماضي اطراف النزاع
وصفحة الماضي سواد وشئ من هذا القبيل

فلازم أنسى لأجل أنهي بداخلي هذا الصراع
ولازم أتقوى عشان أحقق النصر الجليل

وطالما أن الهجوم أحسن وسيله للدفاع
مستحيل أرضخ لو أن الحمل ياربعي ثقيل

والبخيل اللي نساني وأشترى فيني وباع
يذلف ؟؟؟ الله لايرده والله بجرحي كفيل

وأن سأل عني وجاكم بعد فترة الأنقطاع
علموه اني نسيته بس أنا ماني بخيل

تسسلم اخوي بوحك راق لي وطرحك جذبني
بانتظار جديدك

ذوق الصراحه أبيات حلوه يعطيك العافيه لكن عندي استفسار بسيط هل القصيده لك ام لغيرك اذا لك او لغيرك ارجوا كتابة اسم صاحبها لكي نذكره عند ألقائها وهذا اقل خدمه نخدمه فيها وتقبل مروري ونقدي