رثاء في الشيخ محمد بن حجلاء

قصيدة رثاء قالها الشاعر ناصر ابن هندي في الشيخ /محمد ابن حجلاء رحمهما الله

--------------------------------------------------------------------------------

القصيده /


انا عيوني تنثر الدمع وتفور =فور القليب اللي وروده ضمايا

والعين كنبها من الشب مذرور= والقلب يصفق بالضلوع الحنايا

قلب على العبرات مرغم ومجبور= وتفجرت وديان قلبي شغايا

من عقب شيخ يفتح الباب مشقور= يوم السنين المعضلات الشقايا

يوم العرب في عسر والوقت معسور= مايعرف الا طيبين العنايا

واليوم صار الوقت طيب وميسور= وعلى العدود يزيد جم الركايا

مرحوم ياللي بالمواجيب مشهور= الشيخ ابن حجلا وسيع النهايا

نطلب له الغفران ومصاحب الحور= وغفر ذنوبه ياجزيل العطايا

واجبر عزاء قلب من الحزن مكسور= على عقيد حالفته المنايا

عزالله انه طفاء في الحازمي نور= نوره ينور للعرب والقرايا

من العلايا لي قرايا ابن منفور= شيخ يعرفونه شيوخ النحايا

بالحلم والمعروف والجودمخبور= الا وبه من كل حكمه مزايا

كم فتنة يكبر بها الامر ويجور= وذا دخل فيها تموت الحمايا

يموت عاذلها عقب عقلة الشور= واذا تبناها تضييع الحكايا

رايه سديد ومن قديم وله دور= ورايه يعالج معضلات القضايا

وخلف رجال مابهم نقص وقصور= الله يوفقهم لحسن النوايا

بيت الشرف عامر وباقي ومعمور= دور على دور على اربع زوايا

وصلاة ربي عد ماكتب منشور= على نبي الله شفيع البرايا