لاتذبح الحب وتوقف على قبره
وتصف وقت العزا في صف شيابي
مابين كل جرح ماتلقى مغز أبره
مو ناقص إلا تصير جروحي ثيابي
مابي أسولف وتكشف حزني العبره
وآبين أني سعيد وحزني أدرابي
أتصنع الضحك وأكتم داخلي عبره
سويت ... لكن زماني ويش سوابي
خلاني الضيق دايم للحزن عبره
مدري أعاتب زماني مدري أصحابي
ماطحت لو مالقيت لضيقتي دبره
لي عزة لابغيت آطيح ترقابي
مع طول الأيام عيني تكتسب خبره
والناتج =يطيح منهاأقرب أحبابي
أنا أكثر إنسان واسى بالخفا صبره
وأنا رهين الوصل بعيون غيابي
ليه القلم لاكتبتك يختنق حبره
وليه السهر مايداري شرهة أهدابي
الخاطر المنكسر مل الشعر جبره
شوف المشاريه ماتت داخل كتابي
الهم ياكبره بصدري وأنا كبره
متبادل أعجابه الدايم مع أعجابي